Kjo është foto që Rexhep Selimi bëri me bashkëpartiakët para nisjen në Hagë

LAJME

Rexhep Selimi para nisjes në Hagë ka bërë homazhe te varri i Astrit Deharit me rastin e 4-vjetorit të vdekjes së tij.


Ai pasi bëri homazhe u përshëndet me familjen Dehari, dhe kolegët e tij të partisë me të cilët bëri dhe një foto të përbashkët me ta.

Ai nga fshati Zllatar i Prishtinës ku bëri homazhe te varri i Astrit Deharit u nis për në Aeroportin e Prishtinës ku në ora 09:00 niset për në Hagë.

Selimi nuk ka dashur të flas për ngritjen e aktakuzës ndaj tij nga Specialja duke thënë se nuk ka ditë më të rëndësishme se kjo kur kujtohet Astrit Dehari.

Ai ka thënë se do të flas nga Haga kur të shkojë atje.

“Do të flas prej atje, më shkon zëri më mirë”, ka thënë Selimi.

Selimi ka bërë homazhe së bashku me prindërit e Astritit, si dhe me deputetë të grupit parlamentar të VV-së dhe zyrtarë të tjerë të kësaj partie.
/Reporteri.net/.