Hoti të hënën raporton për çështjen e të pagjeturve

LAJME

Kryeministri i Kosovës, Avdullah Hoti shkruan se çështja e të pagjeturve është ndër pasojat më të rënda të luftës.


Hoti thotë se këtë çështje e ka trajtuar me prioritet, prandaj të hënën me datë 9 së bashku me anëtarët e Komisionit Qeveritarë për Persona të Zhdukur dhe zyrtarë të institucioneve të tjera, do ta informoj Komisionin Parlamentar për të Drejtat e Njeriut, Barazi Gjinore dhe Çështje të Personave të Zhdukur, për angazhimet e Qeverisë lidhur me këtë çështje.

Postimi i tij i plotë:

Çështja e personave të pagjetur është ndër pasojat më të rënda të luftës. Unë këtë çështje e kam trajtuar me prioritet të lartë. Prandaj, të hënën me datën 09 nëntor 2020, bashkë me anëtarët Komisionit Qeveritarë për Persona të Zhdukur dhe zyrtarë të institucioneve të tjera, do ta informoj Komisionin Parlamentar për të Drejtat e Njeriut, Barazi Gjinore dhe Çështje të Personave të Zhdukur, për angazhimet e Qeverisë lidhur me këtë çështje, përfshirë edhe zhvillimet aktuale rreth kërkimeve dhe gjetjes së mbetjeve mortore të të pagjeturve.