“Dorëzohet” AAK, kërkojnë zgjedhjeve të reja

LAJME

Pas Ramush Haradinajt, edhe nënkryetari i Aleancës për Ardhmërinë e Kosovës, deputeti Ali Berisha, ka deklaruar se subjekti i tyre mbetet i përkushtuar për të kontribuar në stabilitetin institucional.


Ali Berisha në një postim në faqen zyrtare në facebook, thotë se krahas respektit në punë, si për partnerët e koalicionit, ashtu edhe për opozitën, ata janë të gatshëm të shkojnë edhe në zgjedhje.

“AAK mbetet e përkushtuar për të kontribuar në stabilitetin institucional dhe unitetin e spektrit politik gjithëpërfshirës. AAK respekton në punë, si partnerët e koalcionit ashtu edhe të opozitës. Krahas kësaj AAK është e gatshme për çdo variant në të mirë të funksionimit të institucioneve, përfshirë edhe zgjedhjet”-shkruan Ali Berisha.

Ndryshe AAK tashmë ka nxjerrë kandidaturën e Ramush Haradinajt për president të Republikës dhe është e vetmja kandidaturë publike në skenën kosovare deri më tash.

Ky subjekt ka paralajmëruar se nëse kandidatura e Haradinajt nuk gjen mbështetje nga partnerët, atëherë vendi duhet të shkojë në zgjedhje.