Adriatik Kelmendi: Gjykata Speciale është gjykatë e njëanshme

LAJME

Gazetari, Adriatik Kelmendi, ka kritikuar veprimin e sotëm të Gjykatës Speciale në lidhje me arrestimin e Jakup Krasniqit.

Në llogarinë e tij të rrjetit social Facebook, ai u shpreh se fajtorë jemi vetë ne që kemi lejuar të na nëpërkëmbet liria e pavarësia, aq sa Serbia të barazohet me luftën e shqiptarëve për çlirim.

Sipas tij, krimi duhet hetuar e gjykuar, por Specialja është gjykatë e njëanshme.

Postimi i tij i plotë:

Veç mos harroni, sot është arrestuar zëdhënësi i Ushtrisë Çlirimtare të Kosovës, ose njeriu i parë që mori guximin në uniformë të UÇK-së të flasë publikisht për luftën e shqiptarëve për liri.

Sot u arrestua edhe kryetari i Kuvendit të Kosovës, në kohën kur ky Kuvend shpalli pavarësinë e Kosovës.

Më së shumti fajtorë këtu jemi ne vetë, që me veprime miope krijuam hapësirë që Serbia, e cila në mënyrë të organizuar shtetërore vrau rreth 10 mijë shqiptarë dhe dëboi afro 1 milion, të barazohet, me luftën e shqiptarëve për çlirim. Bile sot edhe të harrohet se kush çka bëri.

Me këto veprime kemi lejuar të na nëpërkëmbet edhe liria edhe pavarësia.

P.S. Secili krim duhet të hetohet dhe rrjedhimisht gjykohet, por Gjykata Speciale është gjykatë e njëanshme.